Экскурсионные маршруты

«	Декабрь 2019	»
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Сентябрь

Общая | Сентябрь 11, 2019,13:21

ЭКСКУРСІЙНЫ МАРШРУТ “ПАДАРОЖЖА ПА РАБУНСКАЙ ЗЯМЛІ”

Аўтары: навучэнцы Дзяржаўнай установы адукацыі “Рабунскі навучальна-педагагічны комплекс дзіцячы сад –базавая школа”, члены Савета музея школьнага краязнаўчага музея “Спадчына”.

Кіраўнікі: Маціеўская Яўгенія Васільеўна, настаўнік гісторыі, Сушынская Ірына Аляксееўна, намеснік дырэктара па асноўнай дзейнасці.

Мэта экскурсіі: вывучэнне гістарычных, архітэктурных, прыродных, духоўна-культурных помнікаў, жыццёвага шляху дзяржаўных і грамадскіх дзеячаў Рабунскага краю.

Задачы экскурсіі:

пазнаёміць з гісторыяй краю, з гісторыяй стварэння Вілейскага вадасховішча, з гісторыяй культавага будаўніцтва, дзейнасці Піліпа Орліка;
развіваць экскурсійна – турыстычную дзейнасць у рэгіёне;
стварыць інфармацыйны краязнаўчы рэсурс.

Працягласць: 10 км, 3 гадзіны 30 хвілін (у тым ліку правядзенне інструктажу па тэхніцы бяспекі – 10 хвілін).

Тэкст экскурсіі будзе фарміравацца адпаведна тэхналагічнай карты маршрута і прадстаўленага матэрыялу даследаванняў аб’ектаў, які дазваляе правесці тэматычную экскурсію па асобных аб’ектах маршруту.

Практычная каштоўнасць распрацаванага маршрута заключаецца ў тым, што прадстаўленыя матэрыялы могуць быць запатрабаваны: у экскурсійнай рабоце з навучэнцамі і іх бацькамі, установамі культуры рэгіёна як краязнаўчы рэсурс.

Карта-схема маршрута

Тэхналагічная карта маршрута экскурсіі “Падарожжа па Рабунскай зямлі”

Маршрут Працягласць і спосаб перамяшчэння	Прыпынкі	Аб’екты паказу	Час (хві-ліны)	Назвы падтэм і пералік асноўных пытанняў, якія раскрываюць тэму
Ускраіна в. Рабунь, дамба Вілейскага вадасховішча Прыезд аўтобусам з г. Вілейккі	Аўтобусны прыпынак в.Рабунь	Узбярэжжа Вілейскага вадасховішча на ўездзе ў в.Рабунь	30	1. Кароткія звесткі пра гісторыю ўзнікнення і версіі паходжання назвы в.Рабунь. 2. Гісторыя стварэння Вілейскага вадасховішча. 3. Стаянкі першабытных людзей у эпоху неаліту, бронзавага веку.
Пераход ад дамбы вадасховішча да царквы ў в. Рабунь	Каменны храм у імя Успення Прасвятой Багародзіцы	Свята – Успенская царква	60	1. Гісторыя будаўніцтва і існавання культавых пабудоў в.Рабунь. 2. Гісторыя будаўніцтва Свята-Успенскай царквы, помніка архітэктуры рэтраспектыўна-рускага стылю.
Пераход з в. Рабунь у в. Касута	Цэнтр в. Касута, каля скрыжавання вуліц	Петрапаўлаўская царква	30	1. Гісторыя будаўніцтва і існавання культавых пабудоў в.Касута. 2. Гісторыя будаўніцтва Петрапаўлаўскай царквы. 3. Петрапаўлаўскі фэст у в. Касута.
В. Касута	Цэнтр в. Касута, каля скрыжавання вуліц, побач з Петрапаўлаўскай царквой	Помнік Піліпу Орліку, гетману Украіны, аўтару першай Канстытуцыі Украіны	30	1. Дзіцячыя гады Піліпа Орліка. 2. Нашчадкі Піліпа Орліка ў Францыі. 3.Мерапрыемствы ў в. Касута да юбілея Піліпа Орліка.